Post on 08-Jun-2020
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
CONVOCATORIA DE MATRÍCULA
NA
PROBA DE AVALIACIÓN DE BACHARELATO PARA O ACCESO Á
UNIVERSIDADE
(CONVOCATORIA ORDINARIA ·XULLO DE 2020)
A RESOLUCIÓN do 26 de febreiro de 2020, conxunta da Secretaría Xeral de Universidades
e da Dirección Xeral de Educación, Formación Profesional e Innovación Educativa, pola que
se ditan instrucións para a realización, dentro do curso 2019/20, da avaliación de bacharelato
para o acceso á universidade (ABAU) para o curso 2020/21 (DOG do 9 de marzo de 2020),
modificada pola Resolución do 28 de abril de 2020, conxunta da Secretaria Xeral de
Universidades e da Dirección Xeral de Educación, Formación Profesional e Innovación
Educativa (DOG do 6 de maio de 2020), establece que en Galicia as ditas probas estarán
reguladas, de forma supletoria, e no que resulte compatible co novo marco normativo, pola
Orde do 24 de marzo de 2011 (DOG Nº 66 do 4 de abril) pola que se regulan as probas de
acceso ás ensinanzas universitarias oficiais de grao e o proceso de admisión ás tres
universidades do Sistema Universitario de Galicia (SUG). Neste senso, no seu articulado, a
dita Orde do 24 de marzo de 2011 establece que o modelo de actuación e a organización
das probas de acceso ás ensinanzas universitarias oficiais de grao no Sistema Universitario
de Galicia (SUG) será competencia da Comisión lnteruniversitaria de Galicia (CIUG).
A efectos organizativos, sendo necesario realizar a matriculación do alumnado nas probas
de avaliación de Bacharelato para o acceso á Universidade (ABAU), a Comisión
Interuniversitaria de Galicia (CIUG) RESOLVEU convocar a Matrícula Anticipada, Ordinaria
e Extraordinaria para a realización dos exercicios correspondentes ás ditas probas, na
convocatoria ordinaria [xullo de 2020], conforme as seguintes.
Con motivo da situación sanitaria provocada pola COVID19, ditouse o Real Decreto
463/2020 do 14 de marzo polo que se declara o estado de alarma (BOE nº 65 do 14.03.2010)
que supón a adopción de medidas de confinamento, limitacións de desprazamentos, de
distancias de seguridade mínima entre persoas, etc.
As recomendacións das autoridades sanitarias dirixidas a reducir a expansión do COVID-19
puxeron de manifesto os beneficios da modalidade de traballo non presencial naqueles
postos nos que resulta posible, para reducir a probabilidade de exposición e contaxio por
COVID 19.
Perante a situación de crise sanitaria que estamos vivindo provocada pola COVID-19, é
necesario levar a cabo, sempre que sexa posible, todos os trámites relacionados cos
procesos de ABAU e PREINSCRICIÓN de 2020 a través de procedementos telemáticos, tal
e como recomendan as autoridades sanitarias.
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
BASES
Primeira
ESTRUTURA DA PROBA DE AVALIACIÓN DE BACHARELATO PARA O ACCESO Á
UNIVERSIDADE (ABAU)
A proba da avaliación de bacharelato para o acceso á universidade (ABAU) estruturarase
en dúas partes denominadas, respectivamente, parte obrigatoria e parte voluntaria.
Parte Obrigatoria. A parte obrigatoria está formada polas catro materias xerais do bloque
de materias troncais (Lingua Galega e Literatura II, Lingua Castelá e Literatura II, Historia de
España II e Primeira Lingua Estranxeira II) e a materia troncal da modalidade elixida
(Fundamentos da Arte II, Matemáticas II, Matemáticas aplicadas ás Ciencias Sociais II ou
Latín II)
Parte Voluntaria. O alumnado que queira mellorar a súa cualificación de admisión poderá
examinarse dun máximo de catro materias que elixirá de entre o resto de materias non
cursadas na fase obrigatoria, é dicir, poderá elixir 4 de entre as 18 seguintes materias:
Matemáticas II, Latín II, Matemáticas Aplicadas CC.SS, Fundamentos da Arte II, Física,
Xeografía, Cultura Audiovisual II, Química, Grego II, Debuxo Técnico II, Artes Escénicas,
Segunda Lingua Estranxeira II (Inglés, Francés, Alemán, Italiano y Portugués; debe ser unha
lingua distinta da que cursasen como materia xeral do bloque de materias troncais), Bioloxía,
Historia da Arte, Xeoloxía, Historia da Filosofía, Economía da empresa, Deseño. O alumnado
non pode examinarse das materias da parte obrigatoria, se ben a materia troncal de
modalidade pode contar como materia da parte voluntaria.
Os alumnos que cursaron a parte obrigatoria en convocatorias anteriores, e só se examinen
da parte voluntaria, se elixen unha Segunda Lingua Estranxeira, esta ten que ser distinta da
que cursasen como materia xeral do bloque de materias troncais.
O exame de cada materia terá unha duración de 90 minutos cun descanso de 30 minutos
entre probas consecutivas, de acordo co horario que figura no Anexo III.
Segunda
REQUISITOS DE PARTICIPACIÓN
2.1.- Poderá presentarse á ABAU (Parte Obrigatoria e Parte Voluntaria)
a) Alumnado que aprobe o bacharelato establecido na Ley Orgánica 8/2013, de 9 de decembro
(LOMCE) neste curso 2019-20 nun centro da Comunidade Autónoma de Galicia
b) Alumnado que aprobou o bacharelato establecido na Ley Orgánica 8/2013 en convocatorias
anteriores, nun centro da Comunidade Autónoma de Galicia e que non teña superada a proba
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
ABAU.
c) Alumnado que teña superada a proba ABAU en convocatorias anteriores na Comunidade
Autónoma de Galicia ou que acredite a súa residencia na C.A. e desexe mellorar a súa
cualificación.
d) Alumnado que teña un título de ordenacións educativas anteriores (PREU, COU, LOXSE,
MÚSICA E DANZA) declarado equivalente ao título de bacharelato establecido na Ley
Orgánica 8/2013, obtido nun centro da Comunidade Autónoma de Galicia ou que acredite a
súa adscrición a un centro da C.A. de Galicia.
2.2.- Poderá presentarse á ABAU (Parte Voluntaria)
a) Alumnado que teña superada a parte obrigatoria en anos anteriores na Comunidade
Autónoma de Galicia ou noutra Comunidade Autónoma e que acrediten a súa adscrición a
un centro da C.A. de Galicia.
b) Alumnado de FP que obtivese o título de Técnico Superior de FP, Técnico Superior de
Artes Plásticas e Deseño ou Técnico Deportivo Superior ou equivalente neste curso 2019-
20 nun centro da Comunidade Autónoma de Galicia
c) Alumnado de FP pertencente a centros da C. A. de Galicia que estea en disposición de
acadar o título de Técnico Superior de FP, Técn ico supe r io r de Artes Plásticas e
Deseño ou Técnico Deportivo Superior ou equivalente na convocatoria de xuño de 2020,
e desexe mellorar a súa nota de acceso á universidade mediante a realización da Parte
Voluntaria da ABAU. [Deberán presentar certificación académica oficial provisional].
d) Alumnado de FP que estea en posesión do título de Técnico Superior de FP, Técnico
Superior de Artes Plásticas e Deseño ou Técnico Deportivo Superior ou equivalente obtido
en anos anteriores nun centro da Comunidade Autónoma de Galicia ou que acredite a súa
adscrición a un centro da C.A. Galicia.
e) Alumnado de anos anteriores en posesión do título de Bacharelato Europeo en virtude
das disposicións contidas no Convenio polo que se establece o Estatuto das Escalas
Europeas, acordado en Luxemburgo o 21 de xuño de 1994 e/ou alumnado que obtivese o
Diploma do Bacharelato Internacional, expedido pola Organización do Bacharelato
Internacional, con sede en Xenebra (Suíza), e que desexe mellorar a súa cualificación e
que acredite a súa adscrición a un centro da C.A. de Galicia.
f) Alumnado de anos anteriores con acreditación expedida pola UNED para acceder ás
Universidades Españolas e que acredite a súa adscrición a un centro da C.A. de Galicia.
g) Alumnado procedente de sistemas educativos estranxeiros que obtivese a homologación dos
seus estudos aos títulos de bacharelato ou de Técnico Superior de FP, Técnico Superior de
Artes Plásticas e Deseño ou Técnico Deportivo Superior español e que acrediten a súa
adscrición a un centro da C.A. de Galicia.
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
Terceira
TIPOS DE MATRÍCULA, PRAZOS, PROCEDEMENTO, LUGAR E HORARIO
1.- MATRÍCULA ANTICIPADA
1.1.- PRAZO: do 1 ao 17 de xuño de 2020.
1.2.- PROCEDEMENTO, LUGAR E HORARIO
A matrícula anticipada realizarase preferentemente a través da aplicación informática Nerta
(https://www.edu.xunta.es/nerta).
Só excepcionalmente e previa cita persoal poderá facelo nos Lugares de Entrega e Recollida de
Documentación (LERD) habilitados en cada un dos sete campus de Galicia, deberá realizarse
no LERD correspondente (véxase o Anexo I).
Para efectuar a matrícula, utilizarase unicamente o impreso oficial que se xerará por medio da
aplicación informática Nerta.
1.3.- QUEN PODE MATRICULARSE
1.3.1.- Poderase matricular no prazo sinalado para a Matrícula Anticipada o alumnado que
obtivesen en anos anteriores ao curso 2019-2020 o titulo de Bacharelato ou un título declarado
equivalente ou o título de Técnico Superior de FP, Técnico superior de Artes Plásticas e Deseño
ou Técnico Deportivo Superior español ou declarado equivalente e se atope nalgunha das
seguintes situacións:
a) Alumnado que teña aprobado o bacharelato ou un título equivalente, en convocatorias
anteriores e que non superase a proba ABAU deberá matricularse obrigatoriamente da parte
obrigatoria (das 5 materias) da ABAU e, se o desexa, da Parte Voluntaria da dita proba.
b) Alumnado que teña aprobado o bacharelato ou un título equivalente en convocatorias
anteriores e que xa superase a proba ABAU poderá matricularse da parte obrigatoria (das 5
materias) da ABAU e/ou da Parte Voluntaria.
c) Alumnado de FP de anos anteriores que estea en posesión do título de Técnico Superior
de FP, Técnico Superior de Artes Plásticas e Deseño ou Técnico Deportivo Superior ou
equivalentes poderá matricularse unicamente da Parte Voluntaria da ABAU.
d) Alumnado de anos anteriores en posesión do título de Bacharelato Europeo que acredite a
súa residencia en Galicia poderá matricularse unicamente da Parte Voluntaria da ABAU.
e) Alumnado procedente de sistemas educativos estranxeiros que obtivese a homologación dos
seus estudos aos títulos de bacharelato ou de Técnico Superior de FP, de Técnico Superior
de Artes Plásticas e Deseño ou de Técnico Deportivo Superior español e que acredite a súa
residencia na C.A. de Galicia poderá matricularse unicamente da Parte Voluntaria da ABAU.
f) Alumnado procedente de sistemas educativos da UE ou equivalentes que estea en posesión
da credencial de acceso expedida pola UNED e que acredite a súa residencia na C.A. de
Galicia poderá matricularse unicamente da Parte Voluntaria da ABAU.
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
1.3.2. Tamén se poderá matricular no prazo de Matrícula Anticipada:
Alumnado de FP pertencente a centros da C. A. de Galicia que acadase ou estea en
disposición de acadar o título de Técnico Superior de FP, Técn ico Super io r de Artes
Plásticas e Deseño ou Técnico Deportivo Superior ou equivalente na convocatoria de xuño
de 2020, e desexe mellorar a súa nota de acceso á universidade mediante a realización da
Parte Voluntaria da ABAU. [ Nes te caso o a l umnado d eberá presentar a certificación
académica oficial provisional].
2.- MATRÍCULA ORDINARIA
2.1.- PRAZOS, LUGAR, HORARIO E PROCEDEMENTO
1º) Prematrícula, que debe ser realizada polo alumnado nos centros correspondentes
de Educación Secundaria (tanto de Bacharelato como dos Ciclos Formativos
de Grao Superior) : do 10 ao 17 de xuño.
Para efectuar a prematrícula, utilizarase unicamente o impreso oficial que se xerará por
medio da aplicación informática Nerta.
2º) Finalizado o proceso de prematrícula do alumnado, os centros de Educación
Secundaria (tanto de Bacharelato como dos Ciclos Formativos de Grao Superior)
enviarán electronicamente ao LERD correspondente a documentación entre o 17 e 19
de xuño.
2.2.- QUEN SE PODE MATRICULAR
Poderá matricularse no prazo de Matrícula Ordinaria, as persoas que se atopen na seguinte
situación:
a) Alumnado de centros da C.A. de Galicia que teña superado o Bacharelato na
convocatoria de xuño de 2020.
b) Nos termos establecidos no punto Cuarto da “Resolución de 10 de marzo de 2020, (BOE
núm. 78, de 21 de marzo) conjunta de la Secretaría de Estado de Educación y la
Secretaría General de Universidades, por la que se establecen las adaptaciones de la
evaluación de Bachillerato para el acceso a la Universidad a las necesidades y situación
de los centros españoles situados en el exterior del territorio nacional, los programas
educativos en el exterior, los programas internacionales, el alumnado procedente de
sistemas educativos extranjeros y las enseñanzas a distancia, en el curso 2019-2020”, o
alumnado de centros da C.A. de Galicia que obteña a dobre titulación de Bacharelato
español e de Baccalauréat francés na convocatoria de xuño de 2019. O alumnado con
título de Baccalauréat francés titulado no presente curso 2019-2020, pode matricularse
só da Fase Voluntaria da proba ABAU-2019-20 organizada pola CiUG.
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
3.- MATRÍCULA EXTRAORDINARIA
Poderá matricularse no prazo de Matrícula Extraordinaria, o día 3 de xullo (das 9.00 ás 14.00
h. exclusivamente a través do sistema informático NERTA), o alumnado de centros de Galicia
que aprobe o segundo curso de Bacharelato despois da resolución emitida pola Dirección
Xeral das reclamacións ás cualificacións do Bacharelato.
Cuarta
DOCUMENTOS PARA REALIZAR A MATRÍCULA E REQUISITOS QUE DEBE REUNIR A
DOCUMENTACIÓN
1.- MATRÍCULA ANTICIPADA
O alumnado dos Centros da C.A. de Galicia que ten os seus datos académicos informatizados na aplicación NERTA só deberá aboar os prezos de matricula, dentro do prazo do 1 ao 17 de xuño, na entidade bancaria.
O alumnado con dereito a exencións debe enviar copia da xustificación por correo electrónico ao Lerd correspondente.
O alumnado que non ten os seus datos académicos informatizados na aplicación NERTA,
deberá enviar por correo electrónico ao LERD correspondente a seguinte documentación:
1.1.- Documentos comúns para o resto de alumnado:
i. Fotocopia do DNI ou Pasaporte.
ii. Resgardo acreditativo de ter aboados os prezos públicos de matrícula ou, no seu caso,
documentación que acredite a exención destes segundo o estipulado nesta
convocatoria de matrícula.
iii. Impreso oficial de matrícula na ABAU debidamente cumprimentado (datos persoais,
académicos e de matricula para a ABAU).
1.2.- Documentos específicos:
a) Alumnado dos centros de Bacharelato da C. A. de Galicia que obtivese o título de
Bacharelato en anos anteriores, pero non se presentase anteriormente ás probas de acceso á
universidade ( PAU ou ABAU):
i. Fotocopia compulsada do Título de Bacharelato ou, no seu caso, resgardo
acreditativo de ter efectuado o depósito deste.
ii. Certificación expedida polo centro na que consten as cualificacións dos dous cursos do
Bacharelato ou equivalente.
Nota. Este alumnado presentarase á proba de acceso polo mesmo centro no que cursase
o segundo curso do Bacharelato, agás aquel alumnado que solicitase á Inspección
Educativa presentarse polo centro máis próximo ao seu lugar de residencia.
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
b) Alumnado dos centros de Bacharelato de fóra da C. A. de Galicia que tendo aprobada a PAU
ou a ABAU desexe mellorar a súa cualificación:
i. Fotocopia compulsada da Tarxeta de Cualificación da PAU ou da ABAU.
ii. Documento expedido pola Inspección da Consellería de Educación, Universidade e
Formación Profesional que acredite a súa adscrición a un Centro da C.A. de Galicia.
c) Alumnado procedente de ordenacións educativas anteriores (PREU, COU, LOXSE, MÚSICA
E DANZA) en posesión do título de Bacharelato ou equivalente:
Alumnado de PREU, COU e LOXSE
i. Fotocopia compulsada do Título de Bacharelato ou, no seu caso, resgardo acreditativo
de ter efectuado o depósito deste.
ii. Certificación expedida polo centro onde consten as cualificacións dos dous cursos do
Bacharelato ou equivalente.
Nota. O alumnado de PREU, COU e Bacharelato LOXSE presentarase á ABAU polo mesmo
centro no que cursase PREU, COU e/ou segundo curso do Bacharelato, agás aqueles que
solicitasen anteriormente á Inspección Educativa presentarse polo centro mais próximo ao
seu lugar de residencia.
Alumnado de Música e Danza
i. Documento expedido pola Inspección da Consellería de Educación, Universidade e
Formación Profesional que acredite a súa adscrición a un Centro da C.A. de Galicia.
ii. Certificación de estar en posesión do Título de Bacharelato ou equivalente.
iii. Certificación das cualificacións obtidas nos seus estudos do 3º Ciclo de Música ou Danza.
d) Alumnado de FP de anos anteriores que estea en posesión do título de Técnico Superior
(TSFP, TS Artes Plásticas e Deseño, Técnico Deportivo Superior ou equivalentes) e desexe
realizar a Parte Voluntaria da ABAU:
i. Certificación expedida polo centro das cualificacións obtidas nos respectivos estudos,
segundo o modelo oficial que se facilitará pola CiUG aos centros.
ii. Acreditación de ter aboadas as taxas para a expedición do título.
O alumnado deste apartado que proveña de centros de fóra da C. A. de Galicia deberá
achegar ademais:
Certificación expedida polo centro das cualificacións obtidas nos respectivos estudos, para
os estudantes de Ciclos Formativos de Grao Superior na certificación deberán constar as
cualificacións obtidas nos Módulos.
iii. Documento expedido pola Inspección da Consellería de Educación, Universidade e
Formación Profesional que acredite a súa adscrición a un Centro da C.A. de Galicia.
e) Alumnado de anos anteriores en posesión do título de Bacharelato Europeo en virtude das
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
disposicións contidas no Convenio que se establece o Estatuto de Escolas Europeas,
acordado en Luxemburgo o 21 de xuño de 1994 e/ou alumnado que obtivese o Diploma do
Bacharelato Internacional, expedido pola Organización do Bacharelato Internacional, con sede
en Xenebra (Suíza) e desexe realizar a Parte Voluntaria da ABAU:
i. Credencial expedida pola UNED na que conste que o alumnado cumpre os requisitos
de acceso á universidade.
ii. Documento expedido pola Inspección da Consellería de Educación, Universidade e
Formación Profesional que acredite a súa adscrición a un Centro da C.A. de Galicia.
f) Alumnado de anos anteriores en posesión de títulos, diplomas ou estudos equivalentes ou
homologados ao título de Bacharelato ou aos Títulos Superiores de F. P., de Artes Plásticas
e Deseño, ou de T. Deportivo Superior do Sistema Educativo Español procedente de sistemas
educativos estranxeiros, que desexe mellorar a súa cualificación ou nota de acceso á
universidade (NAU) mediante a realización da Parte Voluntaria da ABAU:
i. Homologación do título, diploma ou estudo obtido en sistemas educativos estranxeiros ou
credencial expedida pola UNED na que conste a nota de acceso á universidade (NAU).
ii. Documento expedido pola Inspección da Consellería de Educación, Universidade e
Formación Profesional que acredite a súa adscrición a un Centro da C.A. de Galicia.
g) Alumnado de Formación Profesional pertencente a centros da C. A. de Galicia que estea en
disposición de acadar o título correspondente de Técnico Superior na convocatoria de xuño
de 2020:
i. O Centro de FP ten que traspasar o expediente de XADE a NERTA. O expediente figurará
como traspasado pendente de Formación en Centros de Traballo (FCT).
ii. Certificación académica oficial provisional expedida polo centro na que conste a
superación de todos os módulos que compoñen o ciclo formativo de que se trate, a
excepción dos módulos sinalados no punto 4 do artigo 27º da Orde do 24 de marzo de
2011:
o Módulo de Formación en Centros de Traballo e, no seu caso, do módulo do proxecto (Técnico Superior
de FP).
o Módulo de Formación Práctica en empresas, estudos e talleres e o Módulo de Proxecto Integrado
(Técnico Superior de Artes Plásticas e Deseño).
o Módulos de formación práctica e de proxecto final (Técnico Deportivo Superior).
2.- MATRÍCULA ORDINARIA E EXTRAORDINARIA
Documentos comúns para todo o alumnado sinalado no punto 2.2.e 3 da base terceira :
i. Fotocopia do DNI ou Pasaporte.
ii. Resgardo acreditativo de ter aboados os prezos públicos de matrícula ou, no seu caso,
documentación que acredite a exención destes segundo o estipulado nesta
convocatoria de matrícula.
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
Os centros que fagan un pagamento global por varios estudantes deben marcar na
aplicación Nerta a realización do pagamento para o alumnado afectado e enviar por correo
electrónico ao LERD correspondente un documento Excel indicando para cada alumno o
seu NIF, Apelidos e Nome e cantidade aboada.
O alumnado con dereito a exencións debe enviar copia da documentación que acredite a
dita exención ó LERD correspondente por correo electrónico
iii. Impreso oficial de matrícula na ABAU debidamente cumprimentado (datos persoais,
académicos e de matrícula para a ABAU).
iv. Fotocopia do Título de Bacharelato LOMCE ou LOE / Baccalauréat francés ou, no seu
caso, resgardo acreditativo de ter efectuado o depósito deste. Co fin de axilizar o
proceso, estes resgardos individualizados pódense substituír por unha certificación do
centro na que conste que todos os alumnos e alumnas fixeron xa o depósito do titulo
do Bacharelato.
Os/as representantes dos centros acompañarán a matrícula dunha listaxe de alumnos
matriculados na ABAU con indicación do DNI, apelidos e nome, exención de Lingua
Galega e Literatura II (se é o caso) e importe das taxas aboadas ou, no seu caso,
xustificante de exención. Este listado poderá ser xerado a través da aplicación informática
Nerta.
3.- REQUISITOS QUE DEBE REUNIR A DOCUMENTACIÓN
PRESENTACIÓN DA DOCUMENTACIÓN
1) A documentación asinada dixitalmente e con CSV pode enviarse por correo electrónico ao
LERD correspondente.
2) De conformidade co disposto no artigo 16.4 da Lei 39/2015, do Procedemento
Administrativo Común das Administracións Públicas, os documentos que se dirixan á CIUG,
ademais de nos LERD indicados no Anexo 1, poderán presentarse nalgún dos seguintes
rexistros:
a) Nos Rexistros xerais das tres universidades do SUG ou nos rexistros auxiliares.
b) Nos Rexistros oficiais da Administración Xeral do Estado ou das Comunidades
Autónomas.
c) Nos Rexistros de entidades que integran a Administración Local, sempre que se asinase
o oportuno convenio.
d) Nas oficinas de Correos de España, na forma que regulamentariamente está establecida.
e) Nas Representacións diplomáticas ou oficinas consulares de España no estranxeiro.
3) COMPULSAS OU COTEXO DE DOCUMENTOS EXPEDIDOS EN ESPAÑA
Só serán válidas as compulsas que realicen os seguintes órganos ou unidades administrativas:
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
a) Rexistros relacionados no apartado anterior.
b) Unidade administrativa onde se tramita o expediente.
c) Organismo español que expediu o documento.
d) Notarios españois.
e) Representación diplomática española, no caso de que se presente no estranxeiro.
Nota. Non se admitirá ningún documento compulsado ou cotexado por órganos ou
unidades administrativas distintas ás citadas neste apartado. No caso de seren
presentados documentos sen a compulsa recoñecida, requirirase a presentación
do orixinal para a súa comprobación pola unidade administrativa que ten
encomendada a súa tramitación. Tamén se requirirá a presentación do orixinal
cando nas copias compulsadas non se identifique claramente o organismo que
expide a compulsa ou o cargo, nome e apelidos de quen as asina.
Quinta
PREZOS PÚBLICOS, EXENCIÓNS E AXUDAS
O aboamento do prezo da matrícula para as probas ABAU farase no impreso establecido a
tal efecto.
De conformidade co disposto no Decreto 73/2019, do 4 de xullo, polo que se fixan os
prezos públicos pola prestación de servizos académicos e administrativos nas universidades do
Sistema Universitario de Galicia para o curso académico 2019-2020, da Consellería de
Educación, Universidade e Formación Profesional (DOG nº 131 do xoves, día 11 de xullo de
2019), o importe do prezo de matrícula para estas probas é de: 63,67 euros.
EXENCIÓNS no pagamento de Prezos Públicos por Servizos Administrativos
Serán de aplicación as exencións establecidas no artigo 12 do Decreto 73/2019, do 4 de
xullo, polo que se fixan os prezos públicos pola prestación de servizos académicos e
administrativos nas universidades do Sistema Universitario de Galicia para o curso
académico 2019-2020, da Consellería de Educación, Universidade e Formación Profesional
(DOG nº 131 do xoves, día 11 de xullo de 2019):
Familia numerosa - Categoría Xeral 31,84 euros
Familia numerosa - Categoría Especial Gratuíta
Persoas con discapacidade (>= 33%), vítimas
de terrorismo ou de violencia de xénero Gratuíta
AXUDAS
Persoal das Universidades do SUG Gratuíta
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
Nota
(1) Os beneficiarios/as de Familia Numerosa de Categoría Xeral e de Familia Numerosa
de Categoría Especial deberán achegar, no momento da matrícula, xunto co
xustificante bancario, fotocopia cotexada do carné de Familia Numerosa vixente no
momento da matrícula (Por Resolución do 03.04.2020 da Dirección Xeral de Familia, prorrógase a
vixencia dos títulos e carnés de Familia Numerosa expedidos pola CA de Galicia, ata 3 meses despois do
levantamento do Estado de Alarma).
(2) A condición de persoa con discapacidade (>=33%), de vítima de acto terrorista
acreditarase coa correspondente resolución administrativa pola que se recoñecese a
condición correspondente que deberá presentarse, necesariamente, no prazo de
matricula fixado, vixente nese momento para que teña eficacia.
(3) A condición de vítima de violencia de xénero acreditarase no momento da matrícula
mediante o documento acreditativo da dita condición que deberá estar adoptado ou
emitido no prazo de 5 anos inmediatamente anteriores á data de formalización da
matrícula.
(4) AXUDAS para o pagamento de Prezos Públicos por Servizos Administrativos. Serán
beneficiarias das axudas para o pagamento de Prezos Públicos por Servizos
Administrativos todas as persoas que estean contempladas nalgún suposto das
"Convocatorias de axudas e subvencións de Prezos Públicos" de calquera das tres
universidades públicas do SUG para o presente curso académico:
Persoal docente e de administración e servizos, os seus fillos/as, así como o seu
cónxuxe ou persoa con análoga relación das tres Universidades de Galicia terá a
matricula gratuíta.
A gratuidade deberá acreditarse mediante certificación dos respectivos Servizos de
Persoal e, no caso de cónxuxe e fillos/as, ademais, por medio da fotocopia
cotexada do Libro de Familia. A situación que dá dereito a axuda deberá estar
vixente no momento da matrícula.
Sexta
PUBLICACIÓN DA LISTAXE DE MATRICULADOS
17 de xuño. O alumnado deberá revisar os seus datos podendo interpoñer, no seu
centro, reclamación aos mesmos, ata as 14.00 horas dese día se detecta algún
erro
A partir do 19 de xuño o alumnado poderá consultar en NERTA a súa matrícula na
ABAU.
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
Sétima
EXAMES. COMISIÓNS DELEGADAS E CENTROS DE SECUNDARIA QUE AS INTEGRAN
O alumnado matriculado nestas probas convócase para realizar os correspondentes
exercicios formando grupos, integrado cada un deles por centros de ensino secundario e
distribuídos por Comisións Delegadas segundo se indica no Anexo II que será publicado na
Páxina WEB da CiUG antes do 24 de xuño.
Oitava
CALENDARIO E HORARIO DOS EXAMES
Calendario. Os exames terán lugar os días 7, 8 e 9 de xullo, en xornada de mañá e
tarde os tres días.
Horario. Véxase o Anexo III.
Novena
PRESENTACIÓN DO ALUMNADO AOS EXAMES E NORMAS DE REALIZACIÓN
Todo o alumnado deberá acudir á presentación o primeiro día das probas ás 9.00 horas da
mañá e despois presentarse a realizar os exercicios á hora sinalada para o comezo de cada
un deles. O alumnado que só se examine da parte voluntaria e non teña erros na súa
matrícula pode presentarse no momento de realizar os exames.
Para realizar os exames, o alumnado deberá levar consigo:
DNI ou documento identificativo: pasaporte, permiso de residencia etc.
Resgardo de Matrícula e xustificante de pago
Bolígrafo ou pluma de tinta indeleble azul ou negra.
Material axeitado para realizar o exercicio correspondente á materia de Debuxo
técnico II e Deseño, así como o dicionario de latín-español ou grego-español e unha
calculadora (véxanse as indicacións máis abaixo).
En función da situación sanitaria do momento a CiUG dará instrucións sobre os
requirimentos que debe cumprir o alumnado para acceder aos lugares de exame.
No momento da presentación, o tribunal asignaralle un posto de exame a cada alumno/a.
ERROS NA MATRÍCULA DA ABAU
O alumno ou alumna que detecte algún erro na súa matrícula da ABAU deberá comunicarllo
ao presidente/a da correspondente comisión delegada na hora da presentación (de 9.00 a
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
10.00 horas do día 7 de xullo), mediante unha solicitude no formulario oficial que estará a
disposición do alumnado na sede da comisión delegada.
Unha vez finalizada a hora de presentación do primeiro día das probas, non se permitirá
ningún cambio. Á alumna ou alumno que se examine dunha opción distinta á que figure na
súa matrícula ou na solicitude de cambio de matrícula que se lle entregase ao presidente/a
da comisión delegada, anularáselle o exame da materia ou materias que non figuren na súa
matrícula ou na súa solicitude de cambio desta.
REALIZACIÓN DOS EXAMES
Ao empezar as probas, o alumnado recibirá un xogo de adhesivos de código de barras que
o identifica. As etiquetas de identificación son persoais e intransferibles.
É fundamental o bo coidado destas etiquetas de identificación. Non deben dobrarse nin
modificarse de ningún xeito para evitar a súa deterioración e as posibles dificultades de
identificación. Recoméndase tamén que non se deixen nas aulas nin ao alcance de persoas
estrañas.
Todo o alumnado deberá manter os pavillóns auditivos despexados para verificar que non
usan dispositivos auditivos non permitidos.
ANONIMATO
Os exames son anónimos e non poden asinarse nin deberán presentar marcas de ningún
tipo (fluorescentes, subliñados en cor etc.) que poidan permitir unha eventual identificación
persoal. Non observar esta norma pode ser causa de anulación do exame.
CADERNO DE EXAMES
En cada unha das probas entregaráselle a cada estudante un caderno de exame formado
por dúas follas A3 (unha páxina de portada e sete páxinas A4 en branco) e unha cabeceira
adhesiva. Para redactar as respostas o alumnado pode utilizar as sete páxinas en branco.
En cada exercicio só se pode utilizar un único caderno de exame, ao que non se lle poderán
arrincar nin engadir follas.
Cada exercicio presenta varias preguntas, sendo todas susceptibles de ser elixidas. En cada
exercicio indicarase o número de preguntas que se deben responder. O alumno debe indicar
claramente as preguntas ás que vai responder e non poderá responder a máis preguntas
das sinaladas no texto inicial do exame. Se responde a máis preguntas das indicadas, só se
corrixirá o número de preguntas indicado que figure en primeiro lugar no caderno de exame.
Non se poderá abandonar a aula ata transcorrer media hora (30 minutos) desde o comezo
de cada exercicio. Tras a distribución dos exames, todas as persoas (alumnos/as, vogais da
comisión delegada e representantes de centro) deberán permanecer na aula na primeira
media hora de cada exame. Quedan excluídos desta obriga as presidencias e as secretarías
das comisións delegadas e, de ser o caso, os membros da Comisión Delegada que autorice
a presidencia, así como os delegados/as dos Reitores na CiUG.
O acceso á aula de exame implica sempre a entrega obrigatoria do caderno de exame
debidamente etiquetado, aínda que se deixase en branco.
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
Os exames deberán entregárselle a un membro do tribunal para que comprobe que cumpren
as condicións debidas. En ningún caso se deixarán os exames enriba das mesas.
Se un/unha estudante non se presenta a algún dos exercicios da parte obrigatoria da ABAU,
na cualificación correspondente figurará NON PRESENTADO (NP) e para os efectos do
cálculo da nota media o exame computará como 0.
MATERIAL ESPECÍFICO PERMITIDO
Dicionarios
Exame de Latín II. No exame de Latín II poderá utilizarse o dicionario de latín-
español/galego e permitirase o uso dos seus apéndices gramaticais, pero non daquelas
páxinas (interiores ou apéndices) con contidos literarios e de evolución do latín ao
castelán ou ao galego. Neste caso deberase comunicar aos membros da Comisión
Delegada e gramparanse ou separaranse as páxinas mencionadas antes do comezo
do exame.
Exame de Grego II. No exame de Grego II poderá utilizarse calquera dicionario de
grego-español/galego e o seu apéndice gramatical.
Nota. Os/as vogais das comisións delegadas poderán revisar os apéndices gramaticais
para comprobar que non hai anotacións. De detectarse anotacións nestes, instarase o
alumno ou alumna a saír da aula e o exame será cualificado con 0 puntos.
Calculadoras
Poderase utilizar a calculadora exclusivamente nos exercicios de Matemáticas II,
Matemáticas aplicadas ás ciencias sociais II, Física, Química e Economía da empresa.
Permitirase usar calculadoras non programables e que non teñan capacidade gráfica.
Non poderá haber nada escrito nas calculadoras ou nas súas fundas.
No caso de dúbida sobre a validez dun determinado modelo de calculadora, o tribunal
requiriralle ao alumno ou alumna a calculadora para valorar as súas características. De
comprobarse que a calculadora é programable ou con capacidade gráfica, retiráselle e
non se lle permitirá usar outro dispositivo aínda que este cumpra os requisitos.
MATERIAL NON PERMITIDO
Non está permitido o uso de teléfonos móbiles, reloxos intelixentes (smartwatch) ou calquera
outro dispositivo electrónico. No caso dos reloxos intelixentes, lémbrase que tampouco
poden utilizarse en modo reloxo convencional.
Os/os vogais das comisións delegadas terán especial coidado en que no posto de exame o
alumnado non teña consigo estes dispositivos electrónicos, agás as calculadoras non
programables e sen capacidade gráfica permitidas.
A presenza de material non permitido no posto de exame será motivo de medida
disciplinaria: instarase o alumno a saír da aula e o exame será cualificado con 0 puntos.
COPIA E SANCIÓNS
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
No caso de que un membro do tribunal detecte algún alumno ou alumna copiando ou non
respectando estas instrucións, despois da súa correcta identificación, instarase a saír da
aula e o exame será cualificado con 0 puntos. Ademais, a comisión organizadora das probas
determinará as posibles sancións que se lle aplicarán, que poden implicar a anulación total
da ABAU.
Décima
PUBLICACIÓN DAS CUALIFICACIÓNS
Unha vez rematadas as probas, as cualificacións obtidas polo alumnado faranse públicas
na Internet o día 16 de xullo, a partir das 20.00 horas.
O día 23 de xullo faranse públicas as cualificacións definitivas despois da resolución das
solicitudes de revisión (a partir das 20:00 horas). O alumnado disporá de tarxeta de
cualificación definitiva a partir desta data.
As tarxetas de cualificación estarán marcadas como provisionais mentres o alumnado
exerza ou teña dereito a exercer as posibilidades de revisión da súa cualificación.
Os centros de ensino secundario poderán consultar e imprimir unha copia da acta de
cualificacións da ABAU correspondente ao seu centro directamente a través da aplicación
informática NERTA.
Undécima
ENTREGA DAS TARXETAS DE CUALIFICACIÓN
O día 16 de xullo, enviarase por correo electrónico ao alumnado a súa Tarxeta de Cualificación
da ABAU asinada dixitalmente.
Finalmente, o día 23 de xullo enviarase por correo electrónico ao alumnado que solicitou revisión
a súa Tarxeta de Cualificación da ABAU asinada dixitalmente coa modificación de nota despois
do prazo de revisión das cualificacións
Para poder enviar a Tarxeta de Cualificación da ABAU é necesario ter rexistrado un correo
electrónico válido en Nerta.
O alumnado que non rexistrase un correo electrónico válido en Nerta poderá solicitar a Tarxeta
no seu centro de bacharelato.
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
Duodécima
REVISIÓN DAS CUALIFICACIÓNS
O alumnado, pais, nais ou titores/as legais poderán solicitar a revisión da cualificación obtida nun
ou en varios exames no prazo de tres días contados a partir da data de publicación das
cualificacións. Neste proceso de revisión as modificacións das cualificacións poden ser tanto á
alza como á baixa.
1.- PRAZO. O prazo de presentación destas solicitudes será de tres días hábiles, contados a
partir da data de publicación das cualificacións: 17 a 21 de xullo (ata as 14:00h. do 21 de xullo)
2.- SOLICITUDE. As solicitudes de revisión poderanse facer a través da aplicación informática
NERTA, empregando o seu código de acceso. O alumnado deberá gardar copia da súa
solicitude en calidade de resgardo e xustificación de presentación desta.
3.- PROCEDEMENTO. No proceso de revisión procederase do seguinte xeito:
a) En primeiro lugar, analizarase se houbo algún erro material na corrección do exame da
persoa interesada (sumas mal calculadas ou preguntas sen corrixir). No caso de existir algún
erro material, modificarase a cualificación, tanto á alza como á baixa.
A cualificación provisoria obtida (identificada como P) pasa a ser a nova cualificación despois
de modificar segundo o erro material detectado. No caso de non haber erros materiais,
mantense como cualificación provisoria a cualificación orixinal (identificada tamén como P).
b) Deseguido, realizarase unha segunda corrección por un novo corrector/a especialista, distinto
ao que efectuou a primeira corrección. Se esta segunda cualificación (identificada como S)
ten unha diferenza menor de dous puntos, a cualificación definitiva será a media aritmética
entre S e P, nomeadamente (S+P)/2.
c) No suposto de que existise unha diferenza de dous ou máis puntos entre ambas as
cualificacións (P e S), un terceiro profesor/a especialista distinto dos anteriores efectuará
unha terceira corrección (identificada como T). Neste caso, a cualificación definitiva será a
media aritmética das tres cualificacións, nomeadamente (P+S+T)/3.
Contra a resolución adoptada pola CiUG, que porá fin á vía administrativa, poderá interpoñerse
recurso potestativo de reposición no prazo dun mes contado desde o día seguinte ao da
publicación ante a propia CiUG. Neste caso non se poderá interpoñer o recurso contencioso-
administrativo mentres non se dite resolución expresa do recurso potestativo de reposición ou se
produza o acto presunto.
ACCESO E CONSULTA DOS EXAMES REVISADOS. O alumnado e, se é o caso, os pais, nais
ou titores legais terán dereito a ver as probas revisadas unha vez finalizado o proceso de revisión
(Art. 10.3 do RD 310/2016 de 29 de xullo). Para a consultas dos exames poderá facerse a
solicitude entre o 24 e o 27 de xullo (ata as 14:00h.) presentando o formulario correspondente
nun dos LERDs do Anexo I. A CiUG anunciará na súa páxina WEB, antes do día 28 de xullo, o
lugar e horario indicado para poder exercer este dereito.
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
Décimo terceira
COMISIÓN ESPECIAL PARA ALUMNADO CON DISCAPACIDADE OU CON NECESIDADES
EDUCATIVAS ESPECIAIS
Dependendo do número e tipo de solicitudes, así como da natureza da adaptación
necesaria, os exames para o alumnado con discapacidade e/ou con necesidades educativas
especiais matriculado na Proba de Avaliación de Bacharelato para o Acceso á Universidade
no Sistema Universitario de Galicia que expresamente o solicite e o acredite
convenientemente segundo o Procedemento de actuación establecido pala CiUG levaranse
a cabo, única e exclusivamente, nas seguintes Comisións Delegadas:
Comisión Delegada 25: no Centro de ensino C.R.E. Santiago Apóstolo-ONCE
(Rúa Luís Braille, nº 40 - 36003 Pontevedra)
Santiago de Compostela: Comisión Delegada nº 02 con sede na Facultade de
Ciencias Económicas e Empresariais (Campus Norte).
Lugo: Comisión Delegada nº12 con sede na E. U. de Estudos Empresariais (Avda.
Alfonso X El Sabio).
Coruña: Comisión Delegada nº 06 con sede na Facultade de Economía e
Empresa (Campus de Elviña).
Ferrol: Comisión Delegada nº 10 con sede na Escola Politécnica Superior (Campus
Esteiro)
Ourense -. Comisión Delegada nº 15 con sede na Facultade de Dereito (Campus
As Lagoas)
Vigo: Comisión Delegada n• 19 con sede na Facultade de Filoloxía e
Tradución (Campus Lagoas -Marcosende)
Pontevedra: Comisión Delegada nº 23 con sede na Facultade de Ciencias
Sociais
Para poder dispoñer das medidas indicadas neste procedemento, o estudante deberá
acudir obrigatoriamente á sede daquela Comisión Delegada -das arriba indicadas- que
se lle indique na comunicación enviada ao centro.
Santiago de Compostela, 15 de maio de 2020
O Presidente da CiUG
Facultarle de Dereito, 3º piso - Campus Vida - 15782 Santiago de Compostela
Telf.: 881 813 452 - Fax:881 814 789 - Correo E.: ciug@ciug.gal
Asdo.: Luis Muñoz López