Gobierno di Aruba Departamento di Impuesto Departamento di Aduana

Reforma Fiscal

Sesion informativo na Camara di Comercio

1

Gobierno di Aruba Departamento di Impuesto Departamento di Aduana

Rapport di IMF

Asistencia tecnico di IMF: 4 te cu 14 di september 2018

Rapport di IMF di oktober 2018: “Aruba, Toward a Sustainable Tax System” skirbi pa sr. Geerten Michielse y sr. Sijbren Cnossen; Fiscal Affairs Department Tax Policy Mission

Puntonan di salida di rapport di IMF:

Mester reemplasa e medidanan temporario cu un reforma fiscal completo pa modernisa y simplifica nos actual sistema di impuesto

Mester haci e sistema di impuesto actual mas sostenibel pa cumpli pa e futuro necesidadnan di e pais

2

Gobierno di Aruba Departamento di Impuesto Departamento di Aduana

Rapport di IMF

Puntonan di salida di rapport di IMF (continuacion):

E sistema di impuesto nobo no solamente mester genera mas entrada di impuesto, pero mester implementa tambe un cambio di impuesto directo pa impuesto indirecto

E rapport ta duna (i) un evaluacion di e sistema di impuesto di Aruba, (ii) recomendacionnan y (iii) ta duna sugerencia pa un skema di tempo general pa yega na un sistema di impuesto moderno

3

Gobierno di Aruba Departamento di Impuesto Departamento di Aduana

Rapport di IMF Recomendacionnan di IMF:

1. Introduccion di un sistema di BTW basa riba “best practice” pa

reemplasa BBO/BAVP/BAZV, overdrachtsbelasting, speelvergunningsrecht, toeristenheffing, bijzonder belasting verblijf di timeshareresorts, sitionan di alohamento y hotelnan cu:

un tarifa simpel di 10% un base mas amplio posibel solamente un cantidad chikito di actividadnan liber di impuesto

manera servicionan pa cu salubridad, enseñansa y actividadnan den esfera financiero

Regulacion pa empresarionan chikito cu un limite di Afl. 70.000

4

Gobierno di Aruba Departamento di Impuesto Departamento di Aduana

Rapport di IMF

Recomendacionnan di IMF (continuacion):

2. Simplificacion di inkomstenbelasting door di:

Eliminacion di gastonan pa adkiri un entrada (“verwervingskosten”)

Eliminacion di deduccion di interes di consumidor y deduccion di gastonan extraordinario (“persoonlijke lasten y buitengewone lasten”)

5

Gobierno di Aruba Departamento di Impuesto Departamento di Aduana

Rapport di IMF

Recomendacionnan di IMF (continuacion):

Permiti deduccion di interes di hipoteca di solamente un cierto porcentahe

Aumenta e suma liber di impuesto di Afl. 20.455 na Afl. 27.751

Introduccion di un structura di tarifa nobo cu ta consisti di 5 categoria di entrada den cual e tarifa maximo di 58,95% ta wordo reduci na 50%

6

Gobierno di Aruba Departamento di Impuesto Departamento di Aduana

Rapport di IMF

Recomendacionnan di IMF (continuacion):

3. Intensifica winstbelasting door di:

Elimina structuranan di tarifa di sectornan specifico

Baha e actual tarifa di impuesto di 25% pa 20%

Amplia e base pa cobra impuesto door di elimina varios gastonan deducibel

7

Gobierno di Aruba Departamento di Impuesto Departamento di Aduana

IMF Rapport

Recomendacionnan di IMF (continuacion):

4. Institui obligacionnan specifico igual na otro pa otro productonan di tabaco a base di e peso of volumen manera pa tabaco di pipa, tabaco pa kauw, tabaco pa inhala, siga y sigaria pa asina por cobra accijns riba e productonan aki

5. Introduci un skema di accijns nobo pa tur bebida alcoholico inclui biña

8

Gobierno di Aruba Departamento di Impuesto Departamento di Aduana

IMF Rapport

Recomendacionnan di IMF (continuacion):

6. aumenta accijns riba gasoline, diesel y kerosin

7. introduci accijns riba “fuel oil”

8. introduci accijns riba sucu, bebida cu ta contene sucu, airtime (zendtijd) y saco di plastic

9

Gobierno di Aruba Departamento di Impuesto Departamento di Aduana

IMF Rapport

Recomendacionnan di IMF (continuacion):

9. Cambia e impuesto riba importacion di clapchi (vuurwerk) den un accijns specifico

10. Elimina y/of harmonisa invoerrechten:

ta bay cobra 12% riba tur mercancia riba cual ta cobrando mas cu 12%

ta bay cobra 6% riba tur mercancia riba cual ta cobrando menos cu 6%

ta mantene e tarifa di 0%

10

Gobierno di Aruba Departamento di Impuesto Departamento di Aduana

Reforma Fiscal di Aruba

Gobierno ta desea pa dal e prome paso mas lihe posibel pa simplifica e legislacion fiscal di Aruba door di:

1. Crea claridad riba e prijsnan cu ta cobra e consumidornan na momento di cumpra merancia y/of paga pa servicio;

2. Introduci un sistema di tarifa cu diferente categoria pa grondbelasting cu ta depende fuertemente riba e balor di propiedad inmobil;

11

Gobierno di Aruba Departamento di Impuesto Departamento di Aduana

Reforma Fiscal di Aruba

3. Introduci un tarifa proporcional pa grondbelasting valido pa no-residentenan y propiedadnan comercial;

4. Elimina e suma di dispensacion pa grondbelasting

5. Introduci e obligacion pa haci declaracion pa grondbelasting

6. Elimina e fuente di entrada “entrada di propiedad inmobil” (inkomen uit onroerende zaken) pa contribuyentenan cu ta residente y no-residente

12

Gobierno di Aruba Departamento di Impuesto Departamento di Aduana

Reforma Fiscal di Aruba

7. Aumenta e suma liber di impuesto di inkomstenbelasting

8. Reduci e tarifanan di IB/LB considerablemente

9. Aumenta invoerrechten riba tabaco, cerbes destila y biña

13

Gobierno di Aruba Departamento di Impuesto Departamento di Aduana

Reforma Fiscal den fase

14

• E Reforma Fiscal den su totalidad ta consisti di 4 fase

• E simplificacion y e particion di e peso di impuesto riba varios contribuyente a domina den e prome fase

Gobierno di Aruba Departamento di Impuesto Departamento di Aduana

Reforma Fiscal den fase

15

• E di dos fase, cu lo mester keda cla medio 2019, lo encera cu ta reemplasa BBO, BAZV en BAVP cu un impuesto indirecto

Gobierno di Aruba Departamento di Impuesto Departamento di Aduana

Reforma Fiscal den fase

16

Den e di tres fase lo:

• (i) realisa e simplificacion di winstbelasting y inkomstenbelasting

• (ii) elimina varios tipo di tarifa di winstbelasting

Gobierno di Aruba Departamento di Impuesto Departamento di Aduana

Reforma Fiscal den fase

17

• (iii) ampliacion di e base pa cobra impuesto pa loke ta trata winstbelasting y inkomstenbelasting

• (iv) (continua cu) implementacion di reduccion di e tarifanan actual, pa asina por realisa e cambio di impuesto directo pa impuesto indirecto

Gobierno di Aruba Departamento di Impuesto Departamento di Aduana

Reforma Fiscal den fase

18

• E di cuater fase lo encera simplificacion di e impuestonan cu ta regarda cobramento di impuesto di e turistanan

Gobierno di Aruba Departamento di Impuesto Departamento di Aduana

Fase I (Inkomstenbelasting/Loonbelasting)

19

• Un di e cambionan relaciona cu e prome fase di Reforma Fiscal ta encera e cambio den e tarifa di inkomstenbelasting y loonbelasting entrante 01 januari 2019.

• Manera conoci e mesun tarifa cu ta valido pa inkomstenbelasting ta valido tambe pa loonbelasting. E tarifa aki ta hopi importante tanto pa e personanan priva como e doñonan di trabou.

Cambionan 2018 2019

Suma liber di impuesto (belastingvrije som)

Afl. 20.455 Afl. 27.751

Grupo di tarifa (tariefgroep)

Grupo di tarifa 1 Grupo di tarifa 2

Un grupo tarifa

Categoria di entrada (inkomensschijven)

14 categoria di entrada. 4 Categoria di entrada. Pa cada categoria, a cambia: - e margen di entrada - e porcentahe di impuesto - e suma di impuesto.

Gobierno di Aruba Departamento di Impuesto Departamento di Aduana

Fase I

20

Tabel 2019

• E tabel di impuesto 2019 ta:

• Prome cu aplica e tabel pa calcula e suma di impuesto mester deduci e suma liber di impuesto.

• Na final ta baha e suma di impuesto cu a wordo calcula y hacie un suma cera (afronden naar gehele getallen).

Na un entrada di mas cu e suma menciona

den kolom I, pero no mas cu e suma

menciona den kolom II, e suma di impuesto ta bira e suma menciona den

kolom III hunto cu e suma calcula a base di e

porcentahe menciona den kolom IV.

Ta calcula e porcentahe riba e parti di entrada cu ta

surpasa e suma menciona den kolom I. I II III IV 1. - 33.587 14,00% 2. 33.587 63.369 4.702,18 25,00% 3. 63.369 141.783 12.147,68 42,00% 4. 141.783 - 45.081,56 52,00%

Gobierno di Aruba Departamento di Impuesto Departamento di Aduana

Fase I

21

Ehempel:

• Entrada fiscal Afl. 68.864

• Kita suma liber di impuesto Afl. 27.751 -/-

• Entrada riba cual ta aplica e tabel Afl. 41.113 mira categoria di entrada nr. 2 Kita suma di kolom II (categoria 2) Afl. 33.587 -/-

• Saldo Afl. 7.526

• Impuesto riba Afl. 33.587 segun kolom III (categoria 2) Afl. 4.702,18

• Impuesto riba Afl. 7.526 25% segun kolom IV Afl. 1.881,50 Suma total di impuesto Afl. 6.583,68 Inkomstenbelasting of loonbelasting cu mester paga Afl. 6.583 (pa aña)

Gobierno di Aruba Departamento di Impuesto Departamento di Aduana

Fase I (BBO/BAVP/BAZV)

22

• Recientemente a introduci algun cambio importante den e leynan di BBO/BAVP y BAZV cu a drenta na vigor dia 1 di januari 2019.

• Prijs di producto of servicio

• Factura of recibo

Gobierno di Aruba Departamento di Impuesto Departamento di Aduana

Prijs di producto of servicio

23

• Un comerciante – apesar cu e tin e deber di paga BBO, BAVP y BAZV na Departamento di Impuesto - no ta obliga pa ley pa cobra su clientenan e impuestonan aki

• E por absorba e gastonan aki mirando cu nos ta papia di un sistema di “omzetbelasting” y no un “sales tax”

• Den caso cu e comerciante no absorba e gastonan di impuesto - entrante 1 di januari 2019 - e ta obliga di inclui e impuestonan aki den e prijs di su productoy/ of servicio

Gobierno di Aruba Departamento di Impuesto Departamento di Aduana

Prijs di producto of servicio

24

• Pues den e caso aki e comerciante ta prohibi pa ofrece un prijs den cual NO a inclui e impuestonan menciona

• E suma di producto/servicio cu e cliente (di e comerciante) ta mira den tienda ta e suma cu e cliente aki ta paga tambe na caha

• No por cobra un cliente un suma mas halto na caha of ora di traha e factura

Gobierno di Aruba Departamento di Impuesto Departamento di Aduana

Factura of recibo

25

• Entrante 1 di januari 2019 tur comerciante – cu tin e deber di paga BBO, BAVP y BAZV - ta prohibi pa menciona e suma di BBO, BAVP y BAZV riba e factura of recibo cu e ta duna su cliente na momento di efectua un benta.

Periodo transitorio • Teniendo na cuenta cu tin comerciante cu mester adapta nan

sistema digital relaciona cu e cambionan di ley menciona, gobierno a dicidi cu lo mantene un periodo transitorio pa asina duna e comerciantenan aki mas espacio pa haci e adaptacionnan necesario.

• E periodo transitorio ta 6 luna y pues ta valido te cu dia 30 di juni 2019. Despues di 1 di juli 2019 – e fecha cu ta premira cu e fase 2 di Reforma Fiscal lo wordo implementa – e comerciantenan mester ehecuta e ley manera indica.

Gobierno di Aruba Departamento di Impuesto Departamento di Aduana

Factura of recibo

26

Boet

• Den caso cu un comerciante no cumpli cu e prohibicionnan menciona, inspector di impuesto por impone un boet di maximo Afl. 10.000 a base di ley

Gobierno di Aruba Departamento di Impuesto Departamento di Aduana

Fase I Grondbelasting

27

• Entrante 01 januari 2019 a introduci pa grondbelasting e obligacion pa entrega un declaracion (aangifteplicht) pa esnan cu nunca a hanja un cobransa di grondbelasting

• No tin niun otro cambio ariba tereno di grondbelasting y leggerwaarde

Gobierno di Aruba Departamento di Impuesto Departamento di Aduana

Fase I Grondbelasting

28

1. Introduci e obligacion di haci declaracion pa grondbelasting

2. Elimina e suma di dispensacion (suma liber di impuesto di Afl. 60.000) pa grondbelasting

3. Introduci un sistema di tarifa cu diferente categoria pa grondbelasting cu ta depende fuertemente riba e balor di propiedad inmobil

4. Introduci un tarifa proporcional pa grondbelasting valido pa no-residentenan y propiedadnan comercial

Gobierno di Aruba Departamento di Impuesto Departamento di Aduana

Tarifa di grondbelasting 2019

29

• Pa persona priva residencia na Aruba e tarifa di grondbelasting ta:

0% si e balor di propiedad ta Afl. 120.000 of menos

0,2% si e balor di propiedad ta Afl. 120.000 y menos cu Afl. 250.000

0,3% si e balor di propiedad ta Afl. 250.000 y menos cu Afl. 500.000

0,4% si e balor di propiedad ta Afl. 500.000 y menos cu Afl. 750.000

0,6% si e balor di propiedad ta Afl. 750.000 of mas

• Pa personanan cu no ta residencia na Aruba y pa propiedadnan comercial, e tarifa di grondbelasting ta 0,6%