Post on 23-Aug-2020
Vocabulario sobre a Europa Feudal
Vocabulario: Héxira Emigración ou fuxida de Mahoma de A Meca a Medina, que tivo lugar no ano 622, data que se toma como punto de partida da cronoloxía ou calendario musulmán.
Vocabulario: Califa Príncipe musulmán que, como sucesor de Mahoma, exercía a suprema autoridade civil e relixiosa en todo o imperio musulmán ou nunha parte del (como o califa de Córdoba)
Vocabulario: Normandos Os normandos (literal-mente "homes do norte") foron conquistadores escandi-navos ou vikingos na súa maioría daneses, que comezaron a ocupar o noroeste de Francia (o que se coñece como Normandía) na segunda metade do século IX.
Vocabulario: Carlomagno Carlos I ou Carlos o Grande (768-814) foi Rei dos francos e creador dun imperio en Europa occidental, sendo coroado emperador polo Papa de Roma no 800 e recoñecido como emperador de occidente por Bizancio.
Vocabulario: Feudalismo Sistema político, económico e social característico da Idade Media europea (476-1492)
Vocabulario: Vasalo Persoa que se poñía ao servizo dun señor feudal, o cal lle daba protección a cambio duns determinados servizos económicos ou militares.
Vocabulario: Réxime señorial Sistema que regulaba as relacións económicas, sociais e xurídicas entre os señores e os seus vasalos durante a Idade Media.
Vocabulario: Estamentos Grupos sociais da Europa medieval e do Antigo Réxime, que clasificaba ás persoas polo seu nacemento e función, e que se diferenciaban por determinadas condicións económicas, legais e xurídicas
Vocabulario: Clero Clero é o nome colectivo que engloba de forma xeral ás persoas ordeadas no servizo relixioso: bispos, sacerdotes, monxes. Sinónimo de Igrexa. O nome individual é clérigo
Vocabulario: Cruzadas Expedicións militares organizadas pola cristiandade de Europa occidental na Idade Media, coa finalidade de expulsar aos musulmáns dos Santos Lugares (Palestina). Houbo 8 en total e o balance xeral foi de fracaso.