Ikasgai honetan Bibliako kontakizunetara joko dugu.

Aurreko ikasgaian ikusi dugunez, ebanjelari bakoitzak jartzen du indarra atal batean edo bestean, baina laurek azpimarratzen dute

Jesusen azkenengo egunen garrantzia

Mt, Mk eta Lk-ek ia berdin kontatzen dute. Juduen Bazkoa ospatzen ari dira, baina Jesusek Bazkoari zentzu berri bat emango dio.

Ogia: Lurralde Aginduaren zeinua.

Ogia: Jesusen Gorputzaren zeinua.

Ardoa: Jainkoak Sinai mendian egindako Itunaren zeinua.

Ardoa: Jesusen Odolaren zeinua, Itun Berriaren Odola.

«Afaltzen ari zirela, ogia hartu zuen Jesusek eta, bedeinkazioa esan ondoren, zatitu eta ikasleei eman zien, esanez: —Hartzazue eta jan, hau nire gorputza da. Gero kopa hartu eta, eskerroneko otoitza egin ondoren, eman egin zien, esanez: —Edan guztiok honetatik, hau nire odola baita, Jainkoarekiko ituna berrituko duena. bekatuak barkatzeko guztien alde isuria. Egia esan, hemendik aurrera ez dut gehiago ardorik edango, neure Aitaren erreinuan zuekin ardo berria edan arte.»

«Afaltzen ari zirela, ogia hartu zuen Jesusek eta, bedeinkazioa esan ondoren, zatitu eta eman egin zien, esanez: —Hartzazue, hau nire gorputza da. Gero, kopa hartu eta, eskerroneko otoitza egin ondoren, eman egin zien eta denek edan zuten. Eta esan zien: —Hau nire odola da, Jainkoarekiko ituna berrituko duena, guztiengatik isuria. Benetan diotsuet: Ez dut gehiago ardorik edango, Jainkoaren erreinuan ardo berria edan arte.>

«Eta kopa harturik, eskerroneko otoitza egin eta esan zuen: —Hartzazue eta eman elkarri. Zeren egia esan, ez baitut gaurdanik gehiago ardorik edango Jainkoa errege izaten hasi arte. Gero ogia hartu zuen eta, eskerronezko otoitza egin ondoren, zatitu eta ikasleei eman zien, esanez: —Kopa hau itun berria da, zuentzat isurtzen den odolaz Jainkoak ezarria.»

«Jaunarengandik hartu nuen nik neure aldetik zuei eskualdatu dizuedan hau: Jesus Jaunak, saldu zuten gauean, ogia hartu zuela eta, eskerroneko otoitza egin ondoren, zatitu eta esan zuela: Hau nire gor-putza da, zuentzat ematen dena. Egizue hau nire oroigarri. Berdin egin zuen koparekin afal ondoan esanez: Kopa hau itun berria da, Jainkoak nire odolaz ezarria: egizue hau, edaten duzuen bakoitzean, nire oroigarri. Beraz, ogi honetatik jaten eta kopa honetatik edaten duzuen bakoitzean, Jaunaren heriotza iragartzen duzue, bera etorri arte.»

Ikusten duzunez, kontakizun antzekoak dira non hainbat gauza komun agertzen dira:

Fijatzen bazara, Joanen ebanjelioa esan genuen bezala, sinboloz beteta agertzen da. Goazen ikustera

Bi ideia azpimarratzen dira: ikasleak ez dira jabetzen zer gertatuko den; bestetik, Jesusek azken ondorioetaraino onartu zuen Jainkoaren nahia

“ Esan zien: —Hiltzeko zorian nago tristuraz. Gelditu hemen eta zaudete erne nirekin batera. Eta aurreraxeago joanik, ahozpez erori zen eta otoitz egin zuen. esanez: —Ene Aita, ahal bada, urrun ezazu niregandik edari samin hau. Hala ere, egin bedi zuk nahi bezala, ez nik nahi bezala. [...] Ondoren, ikasleengana joan eta esan zien: —Egin lo eta hartu atseden! Hara, gainean da ordua, Gizonaren Semea (...] emana izateko. Jaiki, goazen, hemen da salduko nauena! ”

Min horretan dagoenean bere ikasleetako batek saldu egiten du, dirutruk, musu bat izanez seinalea. Maitasun seinalea injustizi seinalea bihurtzen da.

“Jesus otoitzean ari zen bitartean, ikasleetako bat —Judas Iskariote— bertaratu zen. Apaiz-buruekin eta makilaz eta ezpataz armaturiko jende-talde batekin zetorren. Jeusengana iris-tean, Judasek musu eman zion. Horixe zen etsaiekin adostutako seinalea, Jesus nor zen adierazteko. Horren truke, Judasek 30 txanpon jaso zituen: garai hartan esklabo batengatik ordaintzen zen salneurria. Atxilotzen zuten bitartean, Jesusek honela esan zien: “Ezpataz eta makilaz etorri zarete, lapur baten bila bezala, ni harrapatzera! Egunero esertzen nintzen tenpluan ira-kasten, eta ez ninduzuen atxilotu. [...] Orduan, ikasle guztiek Jesus utzi eta ihes egin zuten. ”

Jesus bi aldiz epaitu zuten: Sanedrinaren aurrean eta Pontzio Pilatoren aurrean

Jesus Gaizkile bat bezala hil zen gurutzean.

“ Han josi zuten gurutzean eta harekin beste bi, alde bakoitzean bana. Pilatok kartel bat idatzi eta gurutze gainean ezarri zuen. Hau zegoen idatzia: «Jesus Nazaretarra, juduen erregea». Judu askok irakurri zuen kartela [...]. Hebraieraz, latinez eta grekoz zegoen idatzia. Juduen apaizburuek esan zioten Pilatori: —Ez idatzi «juduen erregea», «juduen erregea dela dioena» baizik. Pilatok erantzun zuen: —Idatzitakoa idatzia bego. ”

Bere mezua, bizitza eta heriotza batera doaz. Ezin dira separatu

Jesus hil zeneko eguna ostirala zen. Larunbatez ezin zenez inolako lanik egin, azkar hilobiratu zuten.

Zenbait apostolu sinesturik zeuden Jesus ez zela hilen artean gelditu, beraiekin bizirik zegoela baizik. Eta lau haizetara zabaldu zuten hori, alde guztietan iragartzera atera ziren eta elkar adoretuz joan ziren.

“ Larunbata igaro zenean. Magdalako Mariak, Maria Santiagoren amak eta Salomek usain gozoko ukenduak erosi zituzten Jesusen gorpua gantzutzeko. Eta asteko lehen egunean, goizean goiz, eguzkia atera orduko, hilobira joan ziren. [...] Begiratu eta harria alboratua zela ohartu ziren. [...] Hilobian sarturik, gazte bat ikusi zuten eskuinaldean eseria, soineko zuriz jantzia, eta erabat izutu ziren. Baina hark esan zien: —Ez izutu! Nazareteko Jesus gurutziltzatuaren bila zabiltzate. Piztua da, ez dago hemen. [...] Zoazte. bada, haren ikasleei, eta Pedrori bereziki, esatera: «Zuen aurretik joango da Galileara: han ikusiko duzue, berak esan bezala». ”