C/ Coronel Aranda, Nº 2, sector dchu. 2º planta 33005 Uviéu Tfnu. : 985 66 85 14
GOBIERNU DEL PRINCIPÁU D’ ASTURIES
CONSEYERÍA DE BIENESTAR SOCIAL Y VIVIENDA Axencia Asturiana de Cooperación al Desarrollu
HOMENAXE A LOS DEPORTAOS
ASTURIANOS NOS CAMPOS NAZIS Senda del Cervigón, Xixón, 12 de mayu de 2010
Bones tardes amigos y amigues,
Como Director de l´Axencia Asturiana de Cooperación al Desarrollu,
quiero tresmitivos un saludu candial, fraternal y solidariu del Gobiernu
d´Asturies, y el nuestru más fondu agradecimientu por invitanos a
participar nesti Homenaxe a los Deportaos Asturianos nos Campos Nazis.
Una forma modesta de contribuir a construir un futuru en paz, en
llibertá y en democracia consiste, anque paezca una paradoxa, en mirar
p´atrás. Si la conciencia collectiva nun ye quien a expulsar los sos
demonios, el futuru va ser puru miéu y una mentira indigna.
Nun ye posible nin decente qu´una sociedá tape la so propia
porquería como lo faen los gatos. Nun se pué construir una verdadera
convivencia democrática sobre pegoyos d´iniquidá y vergoña. Namás que
tienen miéu de mirar p´atrás aquellos que tienen dalgo qu´esconder.
Dalguién dixo: “Los antiguos colocaban estatuas delante del abismo para
ocultarlo: nosotros las derribamos para mostrarlo”.
Con estes pallabres lo diz el Premiu Nobel de la Paz, Adolfo Pérez
Esquivel: “La memoria nos ayuda a iluminar el presente y a generar el
futuro en la vida de los pueblos y en nuestras propias vidas. La historia es
memoria de la vida de los pueblos, que se fue construyendo en el tiempo,
entre luces y sombras, entre el dolor y la resistencia. Pueblos sacudidos y
violentados por golpes militares y sus mecanismos del terror, metodologías
que llevaron al asesinato, torturas, desaparición de personas y miles de
C/ Coronel Aranda, Nº 2, sector dchu. 2º planta 33005 Uviéu Tfnu. : 985 66 85 14
GOBIERNU DEL PRINCIPÁU D’ ASTURIES
CONSEYERÍA DE BIENESTAR SOCIAL Y VIVIENDA Axencia Asturiana de Cooperación al Desarrollu exiliados dispersos en el mundo. Todos y todas están en nuestra memoria.
Son años de resistencia por la Verdad y la Justicia”.
Quiero facer reconocimientu públicu a tolos homes y muyeres que
lleven tantos años lluchando pola Memoria, la Verdá y la Xusticia. Tantos
años lluchando contra la impunidá xurídica y desixendo la investigación y
l´esclarecimientu de tantos crímenes de lesa humanidad.
Ye necesario facer memoria y qu´ésta se caltenga na mente y el
corazón.
Dende la transición, mantiénse pendiente una dolorosa delda ética y
moral coles xeneraciones que sofrieron la represión franquista y l´amnesia
del sistema que la siguió. La transición quiso cerrar les herides del golpe
d´estáu y de la dictadura privilexando los sentimientos de los verdugos
sobre los de les víctimes, quiso presentar iguales a víctimes y victimarios,
echando una llosa de silenciu sobre la barbarie del franquismu y sobre
quienes la sofrieron.
Agora que´l ciclu biolóxicu de los protagonistes d´aquellos primeros
tiempos de la dictadura va finando nun hai denguna excusa pa caltener el
silenciu. Nun podemos permitir que l´olvidu sepulte a los cientos de miles
de persones que morrieron de manera heroica, anónima y desconocía en
defensa de los valores republicanos de democracia y llibertá.
Cuando tamos conmemorando´l 65 Aniversariu de la Lliberación del
Campu de Concentración de Mauthausen, onde 7.000 republicanos
morrieron pola llibertá, vais permitime alcordame especialmente de los 100
asturianos que fueron asesinaos nesti Campu de Concentración y nos
Campos que dependíen de él ente 1940 y 1945. Republicanos que se
comprometieron nes lluches colos ideales de cambiar los mecanismos
d´opresión y muerte y de construir caminos de vida y dignidá. Son semilles
de vida y dieron les suyes, p´algamar la llibertá y la igualdá para tóos y
C/ Coronel Aranda, Nº 2, sector dchu. 2º planta 33005 Uviéu Tfnu. : 985 66 85 14
GOBIERNU DEL PRINCIPÁU D’ ASTURIES
CONSEYERÍA DE BIENESTAR SOCIAL Y VIVIENDA Axencia Asturiana de Cooperación al Desarrollu toes, que llucharon por construir una nueva sociedá, que marcaron caminos
de llibertá pa los pueblos, ideales y sentíu de vida, pa les presentes y
futures xeneraciones.
La llucha pola vida y la dignidá de les personas y los pueblos
continúa.
Quiero alcordame güei equí, d´unes pallabres escrites debaxo d´una
pintura collectiva d´un grupu de mozos y moces arxentines, pintores y
poetes: “La dictadura sembró el terror, paralizó, mató a nuestros hijos,
quiso matar las voces, la música, la cultura, la creación, el propio país
como tal, la independencia, la vida en su mejor acepción, pero esto que está
sucediendo ahora, en estos días, es una respuesta que ellos nunca creyeron
que podía darse. Hoy aquí, con toda nuestra dignidad, les decimos que el
terror hizo que buscáramos en los sótanos de nuestra imaginación para
volver mejores”.
Que´l miéu, l´olvidu y el silenciu cobarde nun nos faigan cómplices
de denguna inxusticia. Necesitamos conocer la nuestra historia, recuperar la
nuestra memoria, pa que´l sacrificiu de tantos homes y muyeres pola
democracia y la llibertá nun seyan inútiles y tengan el reconocimientu que
merecen.
Quien nada debe, nada teme. Miremos p´atrás ensin miéu y sigamos
lluchando por construir un futuru en paz y en llibertá.
Salú y República.
Munches gracies.
Rafael Palacios, Director de l´Axencia Asturiana de Cooperación al
Desarrollu del Gobiernu del Principáu d´Asturies.